سمارت فون موبينيل كليف Klif

تقييم موبايل اورانج الكاتيل ون تاتش كليف Klif

موبايل الكاتيل ون تاتش كليف بنظام فاير فوكس
قرائى الاعزاء انقل لكم اليوم تجربة لذيذة مع شركة موبينيل Mobinil المملوكة حاليا لشركة اورانج Orange " لخدمات المحمول - الانترنت " ، وعرض سمارت فون Klif " كليف " الذى يحمل علامة شركة الكاتيل ، ويعمل بنظام فاير فوكس " Fire Fox " الشبيه بنظام اندرويد . 
فمنذ فترة ، وانا ابحث عن سمارت فون رخيص السعربميزانية اقل من 500 جنيها ، ويكون قوى المواصفات ، وبالامس استوقفنى اعلان موبينيل عن سمارت فون كليف " Klif " المعروف عالميا بموبايل " الكاتيل ون تاتش كليف " ، والذى ادهشنى ان الموبايل يباع بسعر 275 مع خط كنترول فرى 15 .

سمارت فون موبينيل كليف Klif

بسرعة قررت الشراء وقلت هوه دا اللى بدور عليه ، دعم اتصال 3G ، ودعم ثنائى للشريحة موبينيل + فودافون او اتصالات مع اننى كنت خائفا من ان يعمل الموبايل على شبكات موبينيل فقط كما يقولون لك فى خدمة العملاء للأسف ، ولكن الحمد لله وجدت ان مفتوح ، ويعمل على اى شبكة فى مصر .

لن اطيل عليكم سمارت فون كليف تحفة ذكية فالبرغم من انه يعمل بنظام " فاير فوكس " المجهول بالنسبة للمستخدم العربى الا ان الموبايل سهل ، ولذيذ فى الاستخدام ، واحسن من اى موبايل عادى هتدفع فيه 300 جنية او اكتر ، ولن يكون به اتصال واى فاى ، تحديد المواقع GPS ، كاميرا 2 ميجابكسل بفلاش LED ، بجانب السعر الرخيص دا بالضبط 275 جنيه هتحصل عليهم تانى رصيد من موبينيل .
مواصفات موبايل الكاتيل ون تاتش كليف Klif : -
الشاشة قياس 3.5 بوصة " عيبها الوحيد الدقة المتواضعة ، ولكن تعمل بحالة جيدة جدا " .
المعالج ثناى النواة بتردد 1 جيجاهيرتز .
الذاكرة العشوائية 256 ميجابايت رام  ، مساحة التخزين الداخلية 512 ميجابايت يمكن توسيعها ببطاقة ميكرو SD .
الكاميرا 2 ميجابكسل مزودة بفلاش LED يمكن استخدامه كمصدر للضوء " كشاف " .
البطارية 1300 ملى امبير تكفى ليومين من المكالمات .

اخيرا عند تفعيل خط الكنترول فرى 15 يتم ارسال رصيد بقيمة 15 هدية من موبينيل + 15 جنيه رصيد فى حال انتهاء الرصيد الاول " يا بلاش " فعلا ارخص سمارت فون فيكى يا مصر ، قرائى هذة ليست دعاية لموبينيل ، ولكن تجربة فكل منا يبحث عن هاتف يقول من الووو ، وسمارت فون كليف Klif احسن موبايل يخليك تقول الوو بمبلغ 275 جنيها فقط لا غير . سلام .

14 التعليقات

انا محتاج الموبايل دا ومش لاقية ممكن حد يدلنى علية

اخى الفاضل : الموبايل متوافر فى جميع فروع موبينيل الرئيسية ، لو حضرتك من الاسكندرية - فرع سان ستيفانو - فرع شارع سوريا برشدى - فرع سموحة .

هل البطارية متوفره ام لا

هل البطارية متوفره ام لا

البطارية متوفرة لأنها خاصة بجوال الكاتيل ون تاتش بيكسى 3 سعة 1300 ميللى امبير

بالنسبة لصوت المكالمه

بالنسبة للنت ليه مش بيشتغل

الحل هو التوجه الى اقرب فرع اورانج وطلب الدعم الفني وهو هيدخل الاعدادات يدويا للشبكات . ومبروك

طيب فيه واي فاي والا لا

طبعا واى فاى - بلوتوث - تحديد المواقع . رائع مقارنة بسعره

الابليكيشن بنزلها منين ؟

يتوافر على الهاتف أيقونة متجر خاص بنظام ( فايرفوكس ) كل ما عليك هو التسجيل فيه مثل بلاى ماركت على الأندرويد بالضبط

البطاريه بتقعد قد ايه مع الاستخدام

عمر البطارية حسب استخدامك ، عادى يومين أو ثلاثة - واى فاى وفيس بوك لمدة يوم واحد